Temas: ADO SANGUE

Piden doar sangue dos grupos A+, 0+ e 0- antes da ponte

Por Fermín Paz | SANTIAGO DE COMPOSTELA | 02/12/2022 | Actualizada ás 12:33

Comparte esta noticia

A Axencia de Doazón de Órganos e Sangue (ADOS) fixo un chamamento á cidadanía para incrementar as doazóns de sangue antes da ponte de decembro, especialmente no caso dos grupos A+, 0+ e 0-, dos que se detectou un incremento na demanda nas últimas semanas.

Tal e como lembra a axencia, as pontes e períodos vacacionais necesitan un reforzo no chamamento á doazón, xa que, habitualmente, diminúen as doazóns ordinarias e increméntase a demanda nos hospitais.

As 10 unidades móbiles de ADOS visitarán, ao longo dos próximos días, máis de 30 concellos galegos para facilitar a doazón. En concreto, o sábado 3 de decembro estarán en Ferrol, Carballo, Ribeira, A Guarda, Nogueira de Ramuín e Xunqueira de Espadanedo; mentres que o luns 5 estarán nas Pontes, Vimianzo, Coristanco, Bertamiráns, O Pino, Bueu, Salceda de Caselas, Vigo (Navia), Lourenzá e Ourense.

O mércores 7 será a quenda para As Pontes, A Coruña (Catro Camiños), Curtis, Milladoiro, Trazo, Caldas de Reis, O Rosal, Vigo (Navia), Ribadeo e Barbadás; e o venres 9 estarán en Fene, Arteixo, Oleiros, Noia, Negreira, Centro Comercial Travesía de Vigo, Marín, Lugo e Ribadabia. Finalmente, o sábado 10 desprazaranse a Arteixo, Noia, Lugo e Centro Comercial Travesía de Vigo.

Autobús de doazóns de sangue da ADOS
Autobús de doazóns de sangue da ADOS | Fonte: ADOS - Europa Press

Temas: ADO SANGUE
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta