A Xunta dá o visto e prace ambiental para tres grandes parques eólicos
Estarán en Aranga, Oza-Cesuras, O Irixo, Lalín, Vilar de Barrio e Laza.
Por Europa Press / Redacción | VIGO | 05/12/2022 | Actualizada ás 12:01
A Consellería de Medio Ambiente, Territorio e Vivenda da Xunta de Galicia publicou este luns no Diario Oficial de Galicia (DOG) a aprobación da declaración de impacto ambiental de tres novos parques eólicos.
Estas novas infraestruturas estarán situadas nos concellos de Aranga e Oza-Cesuras (A Coruña), Irixo (Ourense) e Lalín (Pontevedra) e Laza e Vilar de Barrio (Ourense), respectivamente. En total disporán dunha potencia instalada de 98,7 megawatts (MW) e suporán un investimento de máis de 82,9 millóns de euros, con máis dunha vintena de novos aerogenerados.
En concreto, o parque eólico de Gato, que se instalará entre as localidades coruñesas de Aranga e Oza-Cesuras, será promovido por Greenalia Wind Power e contará con catro aeroxeradores e unha potencia de 25,2 megawatts.
O parque eólico de Irixo e Lalín chamarase Valdepereira e está promovido por Aerogeneración Galicia. O proxecto constará de seis muíños, que permitirán unha potencia total de 24 MW. Para iso, será necesaria un investimento de 25,2 millóns de euros.
Por último, a Dirección Xeral de Calidade Ambiental, Sostibilidade e Cambio Climático da Consellería de Medio Ambiente tamén aprobou o parque eólico de Fial das Corzas, situado entre os concellos de Laza e Vilar de Barrio. Trátase da instalación máis grande das tres, con 11 aeroxenerados e un total de 49,5 megawatts de potencia instalada. O proxecto é promovido por Iberdrola Renovables Galicia e tamén terá que cumprir certas condicións para levar a cabo, aínda que é considerado "ambientalmente viable".
