Un antigo alto cargo dos gobernos de Fraga, candidato de Vox á alcaldía de Ourense

A catedrática Eva María Castro e o funcionario municipal José Manuel Torres serán os aspirantes na Coruña e Pontevedra.

Por Europa Press / Redacción | SANTIAGO DE COMPOSTELA | 28/12/2022 | Actualizada ás 15:42

Comparte esta noticia

O Comité Executivo Nacional de Vox designou a José Fermín Troncoso como candidato á Alcaldía de Ourense nas próximas eleccións municipais de maio. Médico de profesión, estudou a carreira na Universidade Complutense de Madrid e no Hospital 1º de Outubro. A formación destaca que preparou as oposicións ao corpo de inspectores médicos de servizos sanitarios da Seguridade Social, que aprobou á primeira, en 1984, converténdose no inspector médico máis novo de España.

En 1990, tras realizar un Master en Xestión e Administración Sanitaria, obtivo o título de Magister e Especialista nesta materia. A partir de entón ocupou distintos postos directivos ligados á Consellería de Sanidade, durante a etapa do popular Manuel Fraga á fronte da Xunta.

En xuño de 2006 pediu a excedencia voluntaria na administración e, baseándose nun pequeno centro psiquiátrico fundado polo seu pai a finais dos anos 50, constituíu --remarca a formación-- a empresa Troncoso Servizos Sociosanitarios, que foi crecendo durante os seguintes 16 anos ata converterse "nunha das organizacións de referencia en Galicia nos sectores de atención residencial e de centros de día para persoas afectadas de trastornos psiquiátricos e persoas dependentes por causa da idade".

No entanto, na actualidade reingresou no Corpo de Inspectores Médicos na Consellería de Sanidade da Xunta.

PRESIDENTE PROVINCIAL DE VOX

Presidente provincial de Vox, asegura que asumiu o posto "con gran ilusión porque os principios e valores que defende o partido coinciden plenamente cos propios". No ámbito deportivo practicou varios deportes como rugby, ciclismo, pero destacou en tenis, chegando a ser campión de Galicia infantil en 1974 e xuvenil en 1978.

OUTROS DOUS CANDIDATOS XA PECHADOS

Ademais do aspirante ourensán, Vox ten xa ratificados oficialmente outros dous candidatos para as eleccións municipais: a catedrática Eva María Castro Caridade pugnará en maio do ano que vén pola Alcaldía da Coruña, e a José Manuel Torres, funcionario do Concello é xa cabeza de lista do partido de Santiago Abascal en 2019, pola de Pontevedra.

Fontes de Vox consultadas por Europa Press ratificaron que a previsión é que todos os candidatos estean pechados a mediados de xaneiro.

José Fermín Troncoso, candidato de Vox á Alcaldía de Ourense
José Fermín Troncoso, candidato de Vox á Alcaldía de Ourense | Fonte: VOX

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta