Os encoros galegos seguen enchéndose e xa rozan o 84% da súa capacidade

A conca de Galicia-Costa é a máis chea de toda España en relación á súa capacidade, un 92,1%

Por Europa Press / Redacción | SANTIAGO DE COMPOSTELA | 03/01/2023 | Actualizada ás 14:19

Comparte esta noticia

As choivas rexistradas nas últimas semanas fixeron que os encoros galegos estean ao 83,8% da súa capacidade total, un dato que contrasta coa media estatal, que se sitúa no 46,3%.

Segundo os datos publicados este martes no boletín hidrolóxico que publica cada semana o Ministerio para a Transición Ecolóxica e Reto Demográfico (Miteco), as concas galegas teñen embalsados un total de 2.918 hectómetros cúbicos de auga, superando a media do ano pasado e da última década.

A conca de Galicia-Costa é a máis chea de toda España en relación á súa capacidade, un 92,1%, e conta cun total de 630 hectómetros cúbicos de auga embalsada. Así, o ano pasado había recollidos un 425, mentres que a media do últimos dez anos sitúase en 478.

Así mesmo, a conca do Miño-Sil ten recolleitos 2.288 hectómetros cúbicos de auga, o que fai que estea ao 75,5%. Deste xeito, hai un ano había embalsados 1.492 hectómetros cúbicos e a media do dez últimos anos é de 1.831. Doutra banda, no últimos sete días as precipitacións foron abundantes na vertente Atlántica e a máxima produciuse en Vigo, onde se recolleron 194 litros por metro cadrado.

Caudal dos ríos da conca Miño-Sil. Carlos Castro - Europa Press
Caudal dos ríos da conca Miño-Sil. Carlos Castro - Europa Press | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta