Por Europa Press / Redacción | SANTIAGO DE COMPOSTELA | 10/01/2023 | Actualizada ás 13:10
Os encoros galegos están ao 85,4% da súa capacidade, un dato que contrasta coa media estatal, que se sitúa no 47,6%, segundo os datos publicados este martes no boletín hidrolóxico do Ministerio para a Transición Ecolóxica e Reto Demográfico (Miteco).
Deste xeito, as concas galegas teñen embalsados un total de 3.018 hectómetros cúbicos de auga, superando a media do ano pasado e da última década. Ademais, isto supón un que 3,3% de auga embalsada máis que a pasada semana.
A conca do Miño-Sil ten recolleitos 2.389 hectómetros cúbicos de auga, o que fai que estea ao 78,8%. Deste xeito, hai un ano había embalsados 1.567 hectómetros cúbicos e a media do dez últimos anos é de 1.878.
Así mesmo, a conca Galicia-Costa é a máis chea de toda España en relación á súa capacidade, un 92%, e conta cun total de 629 hectómetros cúbicos de auga embalsada. Nesta liña, o ano pasado había recollidos un total de 456, mentres que a media do últimos dez anos sitúase en 495.
Noutra orde de asuntos, as precipitacións volveron a ser abundantes durante o últimos sete días na vertente Atlántica. Así, a máxima produciuse en Pontevedra, onde se recolleron 100,4 litros por metro cadrado.