Por Europa Press / Redacción | SANTIAGO DE COMPOSTELA | 18/01/2023 | Actualizada ás 19:18
A Estación de Montaña de Manzaneda abrirá este venres, día 20 de xaneiro, as súas pistas de esquí entre as 09,30 e as 17,15 horas, despois dunha "longa tempada" sen neve.
Nun comunicado, a empresa que explota a estación indicou que nos últimos días estívose traballando a pleno rendemento para poder abrir as instalacións este fin de semana, incluíndo a telesilla, o servizo de restauración e A Tasquiña.
"O 100% do persoal da estación apura as horas e os días para ter as pistas a punto para o venres", subliñou, cos canóns de neve funcionando varios días para que todo estea en perfectas condicións.
A pesar das choivas caídas o luns, que levaron parte da neve acumulada, e o forte vento rexistrado en Manzaneda nos últimos días, a previsión é que a estación abra as súas portas nos horarios habituais a partir do venres.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.