Xa son 100 hectáreas as afectadas polo incendio de Muíños e que afecta ao Parque Natural do Xurés
Nos labores de control traballan dous axentes, dúas brigadas e tres motobombas.
Por Europa Press / Redacción | OURENSE | 07/02/2023 | Actualizada ás 12:38
A Consellería de Medio Rural elevou até as 100 hectáreas a superficie estimada do incendio forestal activo que afecta o municipio ouresán de Muíños e que toca o Parque Natural do Xurés.
En concreto, o lume orixinouse sobre as 18,00 horas en Portugal, en dous focos diferentes, e desde alí entrou en Galicia pola parroquia de Prado de Limia, en Muíños. Nos labores de control traballan dous axentes, dúas brigadas e tres motobombas.
Segundo a última información de Medio Rural, o lume afectaría a unhas 100 hectáreas de terreo, parte delas pertencentes ao Parque Natural Baixa Limia-Serra do Xurés.
Trátase do segundo lume que afecta estes días a este parque natural, despois de que este luns se dese por extinguido outro incendio, tamén procedente de Portugal, no municipio ourensán de Calvos de Randín.
