O BNG ironiza que a única "man" que o PP bota aos mozos galegos é "ao pescozo"
O PP reivindicou a Galicia como "o alumno máis avantaxado" do Estado en rendemento económico
Por Europa Press / Redacción | SANTIAGO DE COMPOSTELA | 07/02/2023 | Actualizada ás 19:47
O PP reivindicou a Galicia como "o alumno máis avantaxado" do Estado en rendemento económico que, segundo o deputado popular Alberto Pazos Couñago, non debe "copiar ao peor alumno de toda a Unión Europea" como, di, propón a oposición cando expón que a nivel estatal "todo está baixo control" e na comunidade galega "pintan un panorama case apocalíptico".
A situación da economía galega centrou o debate dunha moción levada ao pleno deste martes polo BNG, que, da man da súa deputada Noa Presas, reclamou un "cambio de rumbo" da política económica "autocomplaciente" da Xunta.
Durante a defensa da moción, rexeitada cos votos do grupo que sustenta coa súa maioría absoluta ao Goberno galego, a parlamentaria nacionalista acusou á Xunta de practicar a "técnica da avestruz" de "esconder a cabeza" para ignorar os indicadores que advirten dunha "clara retardación" da economía que, segundo Presas, afectará en maior medida a Galicia, xa que presenta un "peor comportamento" que o conxunto do Estado.
Neste sentido, chamou a atención sobre a evolución da inflación en Galicia, que aumenta a maior velocidade que o conxunto do Estado, ou o índice de produción industrial, un baremo no que a presenta a "maior caída" de todas as comunidades.
"Aínda que o barranco non estea punto de caer, non quere dicir que o chan non estea cheo de fochas", remarcou Presas antes de demandar á Xunta "responsabilidade" para articular medidas encamiñadas a "reindustrializar" a economía, aumentar o compromiso co I+D+i e recuperar medidas de apoio ás personsa con dificultades económicas como a Tarxeta Básica.
Na súa quenda, o deputado popular Alberto Pazos Couñago censurou "o relato da Galicia case apocalíptica" que, ao seu xuízo, expoñen os grupos da oposición. "A Galicia constitucional mostrou unha enorme capacidade para saír das dificultades", aseverou o parlamentario antes de asegurar que Galicia é a comunidade "que máis aumentou o seu PIB" nos últimos 22 anos.
"Galicia é a primeira comunidade que recuperou o PIB prepandemia e a que menos incrementou a súa débeda, o contrario do que pasaba cando gobernaban vostedes", sinalou o deputado, que acusou ao BNG de ter unha visión do sector empresarial no que "só distinguen de dúas categorías: os ladróns e explotadores, e os fillos de ladróns explotadores".
Pola súa banda, o deputado socialista Gonzalo Caballero instou á Xunta a "deixar de mirar a Feijóo e á ultradereita" para prestar atención "aos galegos, que queren máis economía" e botan en falta un goberno ao que ve "en fóra de xogo".
MOCIÓN DE VIVENDA
Doutra banda, tamén foi rexeitada outra moción debatida este martes na que o Grupo Socialista demandou a creación dun plan galega de axuda á mocidade a emanciparse ante os "graves problemas" para abandonar a casa paternal pola subida dos alugueres e o estancamento dos salarios.
Así o defendeu a deputada socialista Noelia Lago, que advertiu que máis de 250.000 mozos gallegso son "incapaces" de emanciparse, aínda cando 100.000 deles ten traballo durante todo o ano.
Fronte a isto, considerou que a Xunta "carece" de medidas que apoien este colectivo social xa que as políticas impulsadas desde a Administración autonómica parten de "un descoñecemento absoluto da realidade galega", como, ao seu xuízo, evidencian os programas para o rural cando "máis do 40% desas 250.000 persoas residen en municipios de máis de 50.000 habitantes".
Ante isto, o deputado popular Adrián Pardo acusou aos socialistas de afrontar "con demagoxia" esta problemática que, di debe enfocarse "da forma máis ampla posible" situando as políticas en materia de educación ou formación, algo que, di, a Xunta "xa está a facer". Por último, Paulo Ríos (BNG) ironizou con que "a man" que o PP bota aos mozos galegos é "ao pescozo". "Vostedes mandan pero non gobernan, que son cousas moi distintas", apostilou.
