O papagaio Ravachol de Pontevedra vístese este 2023 para reivindicar a sanidade pública
Por Europa Press / Redacción | PONTEVEDRA | 20/02/2023 | Actualizada ás 21:31
O emblemático papagaio Ravachol, cuxo enterro culmina ano tras ano as festas do Entroido en Pontevedra, vestiuse este ano coas reivindicacións en favor da sanidade pública no acto de presentación que tivo lugar este luns.
Con vestimenta vermella, un cartel de sala de espera e un corazón que reza "sanidade pública" foi decorado o corpo deste carismático 'personaxe' do Entroido pontevedrés, que existiu en realidade na botica de Perfecto Feijóo entre finais do século XIX e principios do XX.
"A Sanidade Pública non se vende", sinala outro cartel reivindicativo nunhas semanas marcadas en Galicia polas reivindicacións a favor dunha "sanidade pública de calidade" e despois da gran manifestación do pasado 12 de febreiro que aglutinou a cidadáns de toda a comunidade na capital galega.
En marzo de 2022, Ravachol regresou ás festas co tres vacinas contra a covid e unha máscara, tras meses de 'confinamento' pola pandemia. O falecemento do verdadeiro papagaio Ravachol coñeceuse o luns de entroido de 1913, o que causou a conmoción da cidade, que lle rendeu un sentido e multitudinaria homenaxe, que quedou para a historia da cidade.
