Por E.P. | SANTIAGO DE COMPOSTELA | 09/03/2023 | Actualizada ás 19:27
O pleno do concello de Santiago sacou adiante con unanimidade a declaración de especial interese e utilidade municipal para a construción do Centro de Prontoterapia, un proxecto que, en palabras do rexedor compostelán, Xosé Sánchez Bugallo, suporá "unha mellora cualitativa e cuantitativa" para a atención sanitaria e o cumprimento do dereito á saúde de toda Galicia e de Santiago e a súa área.
Sánchez Bugallo explicou que no Estado só hai dous centros deste tipo, os dous privados, e que en Portugal non hai ningún. Ademais, un convenio da Fundación Amancio Ortega e o Goberno central, o que permitirá habilitar unha decena de equipos de prontoterapia que se situarán en distintas comunidades, entre elas, en Galicia.
Ademais, o alcalde compostelán destacou que proporcionará unha atención "moi especializada" a determinados tipos de cancro, o que como consecuencia, consolidará ao Complexo Hospitalario Universitario de Santiago de Compostela (CHUS) como un "centro de referencia".
No entanto, o rexedor compostelán lembrou que a construción deste novo centro, así como a ampliación do CHUS, implicará a redución das prazas de aparcadoiro, polo que reiterou a necesidade de dispor dun novo parque de rotación e con novas prazas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.