A primeira xornada da tempada de pesca fluvial en Galicia comeza con to tempo

Por E.P. | SANTIAGO DE COMPOSTELA | 19/03/2023 | Actualizada ás 18:43

Comparte esta noticia

O bo tempo acompañou a primeira xornada da tempada de pesca fluvial en Galicia, que arrincou este domingo e finalizará o 31 de xullo, con carácter xeral, nunha actividade para a que se outorgaron este ano 36.000 licenzas.

No caso da troita, o período xeral ábrese este domingo e prolongarase ata o 31 de xullo, coas excepcións das masas de auga salmoneiras e as de montaña, nas que a tempada comezará máis tarde, en concreto o 1 de maio.

Por outra banda, nos cotos de pesca intensiva e nos tramos de pesca sen morte, poderase pescar ata o 30 de setembro. No caso dos cotos con convenio a tempada prolongarase, con carácter xeral, ata esta mesma data na modalidade de pesca sen morte.

No que respecta ao salmón, os pescadores poderán desenvolver a súa actividade desde o 1 de maio ata o 31 de xullo. As cotas de captura desta especie serán similares ás da tempada 2022 nas provincias da Coruña, Lugo e Ourense.

Un pescador, lanza a cana no río, durante o primeiro día de tempada de pesca fluvial
Un pescador, lanza a cana no río, durante o primeiro día de tempada de pesca fluvial | Fonte: Carlos Castro - Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta