O tráfico de mercadorías sobe nos portos de Marín, A Coruña e Ferrol, pero baixa en Vilagarcía e Vigo
No conxunto estatal, modera a súa caída ao 4,4% no acumulado de xaneiro e febreiro
Por Europa Press / Redacción | Galicia | 23/03/2023 | Actualizada ás 12:20
O tráfico total dos portos galegos de interese xeral do Estado experimenta distintas evolucións nos dous primeiros meses do ano. Así, sobe en Marín-Ría de Pontevedra (+39,7%), A Coruña (+29,4%) e Ferrol-San Cibrao (+3,9%), pero baixa en Vilgarcía (-10,8%) e en Vigo (-4,4%).
Deste xeito, Marín-Pontevedra recibiu 352.527 toneladas, A Coruña algo máis de 2,74 millóns, Ferrol-San Cibrao case 1,72 millóns, Vilagarcía 235.429 toneladas e Vigo 713.321.
En canto a pasaxeiros, tanto en réxime de transporte como en cruceiro, increméntanse un 15,6% na Coruña (ata 6.584) e redúcense un 30,2% en Vigo (con 6.442), que son os dous que reciben a viaxeiros.
DATOS ESTATAIS
No conxunto estatal, o tráfico total dos 46 portos de interese xeral do Estado foi entre xaneiro e febreiro de 86,8 millóns de toneladas, o que supón unha caída do 4,4% respecto ao mesmo período do ano pasado, cando a actividade rexistrou a segunda marca da súa historia, só superado por xaneiro de 2019.
