O sector do bingo irá a folga pola "parálise" do convenio colectivo
Explican que os traballadores levan "dous anos sufrindo unha inflación desbordada e co convenio colectivo conxelado"
Por Europa Press / Redacción | Galicia | 23/03/2023 | Actualizada ás 16:04
As centrais sindicais UGT e CIG convocan folga en todos os bingos en Galicia para os días 1 e 2 de abril ante "a parálise na negociación do convenio colectivo sectorial" destas empresas.
O Goberno galego baixou as taxas que gravan o xogo do bingo do 50% ao 30% e esta redución "unicamente está a engordar os beneficios das empresas e non está a repercutir nos máis de 170 traballadores do sector", advirte UXT nun comunicado de prensa.
Na nota, a organización critica que este persoal leva "dous anos sufrindo unha inflación desbordada e co convenio colectivo conxelado". En materia salarial, indica, a proposta da patronal é "insuficiente" e ante "o bloqueo" da situación os traballadores están chamados á folga eses dous días.
"Esperamos que esta decisión faga recapacitar á patronal sobre a súa postura de afastarse da negociación e póidase chegar a un acordo, sobre todo no ámbito salarial, que permita a firma dun novo convenio colectivo", subliña.
