Sindicatos convocan unha nova folga na Inspección de Traballo para maio e ameazan en facela indefinida no verán
Denuncian que a pesar das convocatorias de folga realizadas durante os últimos meses "seguen sen producirse avances" no conflito laboral
Por E.P. | SANTIAGO DE COMPOSTELA | 28/03/2023 | Actualizada ás 18:13
CCOO, CIG, CSIF, SITSS, SISLASS e UPIT avanzaron a convocatoria dunha nova folga en Inpsección de Traballo e Seguridade Social no mes de maio que ameazan con converter en indefinida a partir do verán se o Goberno non atende as súas reivindicacións.
Nun comunicado conxunto remitido aos medios este venres, este seis sindicatos anunciaron que o primeiro paso deste novo calendario de mobilizacións darase este mércores co rexistro dunha denuncia ante a Comisión Europea por "incumprimentos" de compromisos asociados á inspección "e que afectan ao recolleito no Mecanismo de Recuperación, Transformación e Resiliencia".
Denuncian que a pesar das convocatorias de folga realizadas durante os últimos meses "seguen sen producirse avances" no conflito laboral que, segundo resaltan, "non" será abordado na reunión convocada para a tarde deste mércores 29 de marzo na Dirección Xeral.
Así, censuran o "incumprimento" do acordado en xullo de 2021 co Ministerio de Traballo e Economía Social, o que "pon en cuestión calquera compromiso deste Goberno de reforzar ou fortalecer a Inspección de Traballo e Seguridade Social".
Engaden que "non se concretou ningún dos aspectos" recolleitos no acordo 20 meses despois da súa firma e lamentan a falta de información que, din, provoca o "bloqueo" do Ministeiro de Facenda e Función Pública e que evidencia "a nula vontade política" do Executivo por achegar unha solución aos problemas que existen no servizo e que "pon risco o funcionamento e a existencia da institución".
"No mes de maio iniciarase unha nova convocatoria de folga, convocatoria que nacerá coa vontade de transformarse en indefinida antes do verán se os ministerios implicados e o Goberno seguen no empeño de manter á Inspección de Traballo e Seguridade Social na súa actual situación de precariedade", engaden os sindicatos.
