Folga dos médicos galegos moi diminuída por servizos mínimos do 100%

A CESM convoca este paro sen o apoio do resto de sindicatos e co complemento específico no foco das reivindicacións, entre outras.

Por Europa Press / Redacción | SANTIAGO DE COMPOSTELA | 11/04/2023 | Actualizada ás 10:06

Comparte esta noticia

Os médicos galegos están secundando a partir das 00,00 horas deste martes, 11 de abril, a folga indefinida que convoca a Confederación Estatal de Sindicatos Médicos (CESM) en solitario, xa que non está apoiada por ningunha outra organización.

En calquera caso, a folga --que tamén poden secundar os MIR-- non se fará notar en urxencias, nin nas gardas, nin no 061, xa que os servizos mínimos fixados polo Servizo Galego de Saúde (Sergas) sitúanse no 100%.

As unidades de reanimación, de coidados intensivos, de diáleses ou de tratamentos oncolóxicos tamén se inclúen nos servizos mínimos do 100%. Pola súa banda, nas áreas de hospitalización, os servizos mínimos establecidos buscarán "garantir" a atención urxente dos pacientes.

A orde publicada o luns no Diario Oficial de Galicia (DOG) tamén especifica uns servizos mínimos do 100% en urxencias extrahospitalarias como os puntos de atención continuada (PAC). Pola súa banda, en Atención Primaria terá que haber polo menos un efectivo nos centros de catro ou menos médicos de familia; dous sanitarios nos centros con entre cinco e oito; tres naqueles que teñan entre nove e doce; e catro nos que dispoñan de 13 ou máis médicos de familia.

TRES REUNIÓNS DESDE O 1 DE MARZO

Non é a primeira vez que a CESM amagaba cunha folga co foco das súas reivindicacións posto, entre outros asuntos, no complemento específico, unha retribución adicional que se lle retira aos que compatibilizan o seu labor na pública e na privada, máis dun milleiro de profesionais, segundo as súas cifras. A última vez foi en 2013, con Alberto Núñez Feijóo á fronte da Xunta.

Concentración convocada por CESM diante da sede do Sergas en Santiago
Concentración convocada por CESM diante da sede do Sergas en Santiago | Fonte: CESM, imaxe de arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta