Rosalía, personaxe de Google

Rosalía de Castro dá o salto a Google. O popular buscador celebrou o 178 aniversario do nacemento da escritora cun doodle estático no que aparece a súa imaxe con fragmentos dun dos seus poemas máis coñecidos; "adios ríos, adios fontes".

Non é a primeira vez que Google utiliza o seu doodle para resaltar un evento cultural ou unha personaxe histórica, pero é a primeira vez que acontece cun escritor galego.

Considerada na actualidade como unha escritora indispensable no panorama literario do século XIX, representa xunto con Eduardo Pondal e Curros Enríquez unha das figuras emblemáticas do Rexurdimento galego, non só pola súa achega literaria en xeral e polo feito de que os seus Cantares Galegos sexan entendidos como a primeira gran obra da literatura galega contemporánea. Ademais, é considerada xunto con Gustavo Adolfo Bécquer, como a precursora da poesía española moderna.

Doodle estático de Google coa imaxe de Rosalía