O Sindicato Labrego Galego reclama á Xunta información sobre os polígonos eólicos en tramitación

Por E.P. | SANTIAGO DE COMPOSTELA | 11/05/2023 | Actualizada ás 19:01

Comparte esta noticia

O Sindicato Labrego Galego (SLG) reclamou á Xunta información sobre os polígonos industriais eólicos en tramitación ante o que cualifica como unha "aprobación másiva".

O seu vogal no Consello Galego de Medio Ambiente e Desenvolvemento Sostible, Diego Sánchez, dirixiuse á conselleira de Medio Ambiente, Ángeles Vázquez, na súa condición de presidenta do mesmo, para solicitar a citada información.

"Tendo en conta das irregularidades no proceder do oligopolio empresarial que se disputa o mercado da enerxía eólica no noso territorio", demandan datos exactos sobre o número de expedientes informados negativamente por fraccionamento, así como os externalizados para a realización dos informes ambientais.

Faino, sinala, para aclarar "a maneira na que a administración galega está a acelerar a tramitación de polígonos industriais". Por iso, considera tamén urxente convocar o pleno do Consello Galego de Medio Ambiente.

Cabalos e eólicos Vimianzo
Cabalos e eólicos Vimianzo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta