Por E.P. | SANTIAGO DE COMPOSTELA | 26/05/2023 | Actualizada ás 14:48
Un total de 52.469 persoas votaron por correo en Galicia para nas eleccións muncipales do próximo 28 de maio, segundo os datos facilitados este venres por Correos.
En xeral, formalizaran a súa petición un total de 55.179 persoas, segundo datos da Delegación do Goberno, aínda que non se materializaron todas. Ademais, aceptouse o voto de 103 galegos que residen temporalmente no estranxeiro. Do total de votos emitidos por correo, 18.460 correspóndense á provincia A Coruña; 8.941, á de Lugo; 9.201, en Ourense; e 15.867 na provincia de Pontevedra.
DATOS DO CONXUNTO DE ESPAÑA
En xeral en todo o Estado, un total de 984.108 cidadáns enviaron o seu voto por correo para as eleccións autonómicas e municipais deste domingo 28 de maio, o que supón un incremento do 6,4% respecto ao número de votos por correo admitidos nos comicios de 2019, que tamén coincidiron coas europeas.
O prazo para o depósito de voto finalizou este xoves 25 de maio, segundo a decisión de ampliación adoptada pola Xunta Electoral Central (JEC) e Correos informou este venres que validou un total de 984.108 votos, pero non detalla cantas solicitudes recibiu.
Cando o domingo se abran os locais electorais, un primeiro equipo de persoal da sociedade estatal entregará os votos en custodia nas 60.587 mesas electorais distribuídas nos 22.916 colexios electorais dos 8.131 municipios de España.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.