A segunda tempada da seire 'Rapa' volve mostrar lugares de Ferrol e a súa comarca
O teatro Jofre de Ferrol acolleu na tarde deste mércores, día 14, a premiére desta serie, onde, ademais, proxectouse o primeiro capítulo dunha trama de intriga e suspense.
Por E.P. | SANTIAGO DE COMPOSTELA | 14/06/2023 | Actualizada ás 20:33
A segunda tempada da serie 'Rapa', producida por Movistar + e a compañía galega Portocabo, volve mostrar paraxes dunha gran beleza de Ferrol e a súa comarca, un traballo audiovisual que se estrea este xoves, 15 de xuño.
Esta tempada conta con seis capítulos de aproximadamente 50 minutos de duración cada un e que foi rodada nos meses de outono de 2022 en diferentes emprazamentos da zona, destacando a entrada das cámaras en varias dependencias do Arsenal Militar.
O teatro Jofre de Ferrol acolleu na tarde deste mércores, día 14, a premiére desta serie, onde, ademais, proxectouse o primeiro capítulo dunha trama de intriga e suspense, onde Tomás (Javier Cámara) e Maite (Mónica López) tratan de resolver dous asasinatos, un recente, dunha oficial da Armada, e outro dun mozo de fai case vinte anos e que está a piques de prescribir.
Os guionistas, Pepe Coria e Fran Araújo, detallaron que con esta segunda tempada de 'Rapa' quixeron "seguir profundando en Maite e Tomás, ese imperfecto tándem de investigadores que sempre parecen ao bordo de algo".
"Deixarámolos empezando unha nova etapa vital, así que se trataba de volver e saber que foi deles co paso do tempo e da enfermidade del", xa que padece ELA.
