Vox segue sen emocionar en Galicia
Abascal xunta só 400 persoas no Pazo da Ópera da Coruña. Fóra, berros de "vós fascistas sodes os terroritas".
Por Europa Press / Redacción | A Coruña | 27/06/2023 | Actualizada ás 10:16
O presidente de Vox e candidato á Presidencia do Goberno de España, Santiago Abascal, recalou en Galicia onde asegurou que Vox vai estar "sempre coa man tendida para a construción da alternativa que os españois esixen".
Fíxoo en declaracións aos medios previas a un acto público coa lema 'Decide o que importa' celebrado no Pazo da Ópera da cidade herculina, no que estivo acompañado polo candidato número uno ao Congreso pola provincia da Coruña, Juan Garcilaso de la Vega.
O discurso de Abascal centrouse en que os resultados das eleccións municipais do pasado 28 de maio acreditaron que "a gran maioría social" dos españois quere "construír unha alternativa". Os cidadáns pensan, na súa opinión, que o presidente do Goberno, Pedro Sánchez, converteuse nun "perigo para a unidade e a concordia polo seu pacto co separatismo e o terrorismo".
PROTESTAS
No evento da Coruña tamén interveu o candidato número uno ao Congreso pola provincia da Coruña, Juan Garcilaso de la Vega, que se expresou na mesma liña que Abascal ante uns 400 asistentes, que seguiron con atención tanto o seu discurso como o do líder de Vox e acabaron o acto con aplausos en pé.
Mentres, no exterior un grupo de manifestantes clamaron contra Vox e a ultradereita ás portas do recinto con consignas como 'Fóra fascistas das nosas rúas' e 'Vós fascistas sodes os terroritas', vixiados por un amplo dispositivo policial.
