"Queiman" a proposta de convenio e plan estratéxico diante da dirección de Navantia
O comité pediu a semana pasada o cesamento dos responsables de Recursos Humanos e reclama que a SEPI participe nas negociacións
Por Europa Press / Redacción | Cobas (Ferrol) | 04/07/2023 | Actualizada ás 10:07
Traballadores de Navantia Ferrol protagonizaron á primeira hora da mañá deste martes unha nova protesta en contra da proposta de convenio colectivo e plan estratéxico 2023-2027 elaborada pola compañía naval pública que consistiu na "queima" de ambos os documentos fronte ao edificio de Dirección do estaleiro.
O persoal da empresa pública leva varias semanas mobilizado contra un borrador de convenio e plan estratéxico que o pasado xoves, na consulta celebrada en todos os centros de traballo de Navantia, xa provocou o rexeitamento maioritario da parte social. Así, cabe recordar que en Ferrol o 43,2% do persoal votou en contra do plan estratéxico e o 23,9% mostrou o seu desacordo co convenio colectivo.
Por iso, no comité intercentros do día seguinte pediuse non só a dimisión dos responsables de Recursos Humanos "pola súa incapacidade para dar resposta ás demandas dos traballadores e traballadoras", senón que, "ante a situación de bloqueo", reclamouse a presenza e participación dos responsables da SEPI "para buscar alternativas aceptables para todas as partes".
