A Xunta destinará 6 millóns para que novas pemes contraten desempregados

A Xunta destinará 6 millóns para que pemes, autónomos e entidades de economía social --con ata 42 meses de existencia-- contraten desempregados no marco de iniciativas emprendedoras.

O Diario Oficial de Galicia (DOG) publica este luns esta nova convocatoria da Consellería de Promoción do Emprego e Igualdade. Así, outorgaranse incentivos de 6.000 euros por cada persoa desempregada contratada a tempo completo mediante contrato indefinido ou fixo descontinuo por un mínimo de nove meses entre o 1 de xaneiro e o 31 de outubro de 2024.

A Administración autonómica axudará a financiar investimentos de emprendedores en equipos informáticos, mobles e reformas con achegas de ata 90.000 euros en función do capital destinado. As axudas poden solicitarse a partir deste martes, 18 de xullo, e os interesados dispoñen dun prazo dun mes ata o 17 de agosto para cursar as súas peticións.

Así mesmo, priorizarase no proceso de concorrencia competitiva actividades con encaixe no sector industrial, comercialización de produtos, servizos de coidados e emprego en sectores prioritarios. Tamén recibirán maior valoración as iniciativas con base tecnolóxica, economía social e en contornas rurais, entre outras.

Aimen participa nun proxecto europeo para impulsar a implantación e o uso de tecnoloxías fotónicas nas pemes | Fonte: AIMEN