O PP Europeo insiste na necesidade do equiparar na UE as confrarías coas Organizacións de Produtores

Os eurodeputados do Partido Popular membros da Comisión de Pesca, Gabriel Mato e Francisco Millán Mon, interviñeron este martes nun debate sobre a aplicación da Organización Común de Mercados (OCM) no sector dos produtos da pesca e da acuicultura, onde insistiron na necesidade do recoñecemento a nivel europeo das confrarías de pescadores e a súa equiparación coas Organizacións de Produtores (OPs) como entidades elegibles para optar a axuda financeira da Unión Europea.

"É importante que se recoñezan as organizacións xa existentes enalgunos Estados Membros, as confrarías, que desempeñan funciones similares ás organizacións de produtores. Este Parlamento insistiu en reiteradas ocasións no recoñecemento das confrarías e a súa equiparación coas OPs", sinalou o eurodeputado galego Millán Mon.

Así, segundo trasladou o PP nunha nota de prensa, Francisco Millán Mon comezou a súa intervención pedindo o recoñecemento a nivel europeo das confrarías e lembrou que el mesmo llo había exposto recentemente a Vitchevá, directora xeral de Asuntos Marítimos e Pesca da Comisión Europea. Ademais, Francisco Millán Mon tamén fixo referencia á loita contra a pesca ilegal e á etiquetaxe dos produtos da pesca e a acuicultura.

"O novo Regulamento de control da pesca xa inclúe disposicións destinadas a reforzar a rastrexabilidade de todos os produtos da pesca e a acuicultura a través do sistema CATCH, que se vai a estender ás importacións, e que facilitará a loita contra a pesca ilegal. Dispor de etiquetaxe adecuada é moi relevante a efectos de combater a fraude alimentaria e mellorar a transparencia, proporcionando máis información aos consumidores", relatou.

Neste sentido, o eurodeputado popular reiterou a súa preocupación pola existencia de prácticas comerciais -como a do "peixe vexetal"- que poden provocar confusión ou mesmo engano ao consumidor no momento da compra.

Eurodeputados do PP.. PP | Fonte: Europa Press