Por Europa Press / Redacción | SANTIAGO DE COMPOSTELA | 24/07/2023 | Actualizada ás 18:55
O PSOE de Santiago anunciou que os seus edís non asistirán ao acto de Alba de Compostela, que se celebra este 25 de xullo impulsado polo goberno local, xa que considera que son unhas condecoracións que "se conceden de forma irregular".
Nun comunicado, os socialistas aclaran que están de acordo co "merecemento" dos homenaxeados, pero sosteñen que a alcaldesa, Goretti Sanmartín (BNG), debe aprobar este acto en pleno por maioría absoluta.
Respecto diso, recentemente, a rexedora xa defendeu que ten a potestade de poder levar a cabo estes recoñecementos por fóra do regulamento de condecoracións do Concello.
"A alcaldesa, por razóns meramente políticas, non atendeu ás nosas demandas, máis interesada en empregar este acto, servíndose e involucrando a terceiros en polémicas, para xustificar o seu plantón á ofrenda do Apóstolo", sostén o PSOE.
Igualmente, os socialistas apuntan que se solicitou buscar outra data para esta celebración "máis adecuada e menos chea de actos", posto que estes recoñecementos "merecen brillar con luz propia".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.