Dous feridos graves ao chocar unha moto e un coche en Vilagarcía de Arousa

Dúas persoas resultaron feridas graves ao chocar unha moto e un coche en Vilagarcía de Arousa, segundo informa o 112 no seu parte de incidencias.

Os efectivos do servizo de emerxencias de Vilagarcía excarceraron ao condutor e único ocupante do turismo, que quedou inconsciente tras o impacto e, posteriormente, foi trasladado ao centro hospitalario de referencia. Por outra banda, o motorista foi trasladado, tamén grave, a un centro médico.

O accidente tivo lugar na avenida de Cambados, uns minutos despois das 12,00 horas. Nese momento, unha persoa particular contactaba co 112 Galicia para alertar do choque entre o coche e a moto.

Accidente de moto | Fonte: GARDA CIVIL DE TRÁFICO