Piden ampliar a lista de 13 reservas fluviais coas que conta Galicia

A organización ecoloxista Arco Iris instou á Xunta de Galicia a ampliar a lista de reservas fluviais, segundo sinala nun comunicado.

Nel, lembra que en decembro de 2015 declaráronse determinadas reservas naturais fluviais en todo o Estado, "sen que ningunha delas estivese situada en Galicia-Costa". "De todas elas sete estaban situadas na zona galega competencia da Confederación Hidrográfica Miño-Sil, cun totalde 81 quilómetros", engade. En 2017, sumáronse nove reservas, "sen que ningunha delas localizásese en Galicia".

"Nestes momentos, Galicia Costa conta con 13 reservas naturais fluviais e un total de 118 quilometros, o que podería considerarse escasos, dada a extensión e o bo estado de conservación dos ríos de Galicia", engade.

Para Arco Iris, a comunidade autónoma galega "corre o risco de quedar postergada ao pelotón dos torpes". "Zonas como o Rego da Teixeira ou o tramo final do Río Xallas quedaron fóra dunha lista que precisa unha urxente actualización por parte da Consellería de Medio Ambiente".

Un pescador no río Miño. | Fonte: Carlos Castro - Europa Press