Falece atropelado por unha furgoneta un home de 80 anos na Estrada
Ata a zona desprazouse un primeiro equipo sanitario do 061 e mesmo se valorou a posibilidade de activar o helicóptero medicalizado con base en Santiago. Con todo, os facultativos confirmaron que o home falecera como consecuencia do impacto.
Por Europa Press / Redacción | PONTEVEDRA | 22/08/2023 | Actualizada ás 19:21
Un home faleceu na tarde deste martes tras ser atropelado por unha furgoneta na Estrada. A vítima é un octoxenario veciño desta localidade pontevedresa. Segundo a información do CIAE 112-Galicia, o atropelo tivo lugar sobre as 17.30 horas deste martes na Avenida Benito Vigo da Estrada, onde unha furgoneta arroiou á vítima mentres cruzaba a rúa.
Ata a zona desprazouse un primeiro equipo sanitario do 061 e mesmo se valorou a posibilidade de activar o helicóptero medicalizado con base en Santiago. Con todo, os facultativos confirmaron que o home falecera como consecuencia do impacto. Ademais dos sanitarios, ata o lugar, en pleno centro da Estrada, desprazáronse efectivos de Policía Local e membros do GES da localidade.
