Por E.P. | SANTIAGO DE COMPOSTELA | 01/09/2023 | Actualizada ás 13:07
O prezo da vivenda usada subiu en Galicia un 0,2% en agosto, dúas décimas por baixo do que o fixo en España, segundo un estudo do portal inmobiliario Idealista.
En concreto, o prezo da vivenda usada en España situouse en 2.004 euros o metro cadrado, de acordo co último índice de prezos inmobiliarios de Idealista. Este dato é un 7,2% máis alto que o do mesmo mes do ano pasado mentres que se sitúa un 5,3% por baixo do prezo máximo histórico da vivenda en España, rexistrado en xuño de 2007.
Un total de doce comunidades autónomas españolas mostran prezos superiores ao mes pasado. Canarias (1,4%), lidera as subidas, seguida da Rioxa (1,1%), Asturias (1%), Cantabria (0,9%),Euskadi (0,8%), Andalucía e Comunidade Valenciana (0,7% en ambos os casos).
Os menores incrementos déronse en Castela-A Mancha (0,5%), Aragón (0,4%), Baleares (0,3%), Navarra e Galicia (0,2% nas dúas rexións). Estremadura (-0,6%), pola contra, encabezalos descensos de prezo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.