Atopan a un ciclista morto en Salcedo

Un ciclista foi localizado inconsciente cando circulaba por Salcedo, en Pontevedra, sobre o mediodía deste luns. Segundo informa o 112, recibíronse varias chamadas de alertantes que indicaban que atoparan a un ciclista inconsciente no chan.

Así, foron mobilizados efectivos de Urxencias Sanitarias de Galicia-061, Bombeiros de Pontevedra, Policía Nacional e Local, da Garda Civil de Tráfico e dos membros de Protección Civil de Pontevedra. Cando chegaron ao lugar, os servizos sanitarios só puideron confirmar o seu falecemento.

Sinais advertindo da presenza de ciclistas nas estradas | Fonte: J.C. - Arquivo