A Xunta pedirá na Cámara celebrar o Debate sobre o estado da Autonomía nun pleno do mes de outubro
Tendo en conta os prazos parlamentarios, a sesión de política xeral arrincaría o luns 9 de outubro. A cita suporá a primeira vez que o titular do Executivo autonómico, Alfonso Rueda, interveña no Debate sobre o estado da Autonomía como presidente, tras ser investido en maio do pasado ano tras a marcha de Alberto Núñez Feijóo a Madrid para liderar ao PP.
Por Europa Press / Redacción | SANTIAGO DE COMPOSTELA | 16/09/2023 | Actualizada ás 12:26
A Xunta de Galicia rexistrará este luns, día 18 de setembro, na Cámara galega a solicitude para que o Debate sobre o estado da Autonomía teña lugar nun pleno do mes de outubro, segundo confirmaron fontes do Goberno galego.
Tendo en conta os prazos parlamentarios, a sesión de política xeral arrincaría o luns 9 de outubro. A cita suporá a primeira vez que o titular do Executivo autonómico, Alfonso Rueda, interveña no Debate sobre o estado da Autonomía como presidente, tras ser investido en maio do pasado ano tras a marcha de Alberto Núñez Feijóo a Madrid para liderar ao PP.
Deste xeito, á vista dos prazos e se se segue o guión habitual nestas sesións, a cita política podería arrincar o día 9 de outubro coa intervención do presidente da Xunta. Tras ela, teñen lugar as comparecencias dos portavoces da oposición. Despois dunha xornada de parón na que os partidos políticos presentan as súas propostas de resolución, o debate poderase renovar o mércores, día 11, coa votación destas iniciativas.
