Rueda advirte ás comunidades de montes: "Ter dereito de propiedade non significa cambiar as regras de xogo"
Aposta pola negociación co grupo industrial Copo que ameaza con deixar o seu proxecto en Mos polo que quere cobrar a Comunidade de Montes de Tameiga polos terreos.
Por Europa Press / Redacción | SANTIAGO DE COMPOSTELA | 21/09/2023 | Actualizada ás 16:52
O presidente da Xunta, Alfonso Rueda, advertiu que é preciso actuar "con moito coidado" e ser "moi responsables" despois de transcender que a multinacional galega Grupo Copo estuda trasladar a Portugal o seu tres plantas situadas na localidade pontevedresa de Mos.
O paso chega despois de que a Comunidade de Montes da parroquia de Tameiga expuxese multiplicar por 20 o canon que paga polos seus terreos. "Creo que este é un tema que hai que ver con moito coidado. Entendendo que hai un ordenamento xurídico, hai que ser moi responsables", apelou, antes de incidir en que os dereitos de propiedade "non dan dereito de súpeto a cambiar as regras de xogo" e "facer inasumible" ou "moi pouco atractiva" a actividade de empresas que "xeran moitos postos de traballo".
NON TOMARSE "A TREO" A SITUACIÓN
"Non nolo debemos tomar nin moito menos a treo", insistiu, antes de incidir en que espera que do encontro das partes salga un acordo e se entenda que non se poden cambiar "de súpeto" ditas "regras de xogo". Pola súa banda, dixo que non está "en absoluto de acordo" na formulación unilateral de que ou se aceptan unhas condicións ou "dá igual que se vaia unha industria".
