Falece unha muller de 95 anos tras ser atropelada nun paso de peóns en Cuntis

Unha muller de 95 anos de idade faleceu nas últimas horas tras ser atropelada na tarde noite do domingo no centro urbano de Cuntis. O sinistro ocorreu sobre as 20,30 horas no punto quilométrico 216 da estrada N-640, en sentido Vilagarcía, no termo municipal de Cuntis, e un particular alertou ao 112 Galicia do ocorrido.

O CIAE 112 explicou que interviñeron efectivos de Urxencias Sanitarias de Galicia-061, persoal sanitario da PAC de Caldas, Garda Civil de Tráfico, Protección Civil de Cuntis e o GES da Estrada.

Fontes dos servizos de emerxencia municipais confirmaron a Europa Press que a muller, que é a avoa do alcalde de Moraña, estaba a cruzar a estrada por un paso de peóns á beira do seu domicilio, pero o condutor que pasaba nese momento (e que deu negativo na proba de alcoholemia) non a viu e arroiouna.

A muller foi trasladada a un centro hospitalario en ambulancia, pero faleceu pouco despois, confirmaron fontes municipais.

Atropelo mortal a unha muller de 95 anos de idade, cando cruzaba un paso de peóns na N-640 en Cuntis | Fonte: Cuntis - Europa Press