Piden 5 anos de cárcere para un acusado de tentar matar a un compañeiro de clase nun bar de Ourense

A Audiencia Provincial de Ourense acollerá este mércores o xuízo contra un home para o que Fiscalía pide cinco anos de prisión por tentar matar a un compañeiro de clase nun bar da capital provincial. Segundo o escrito do Ministerio Público, os feitos ocorreron o 5 de novembro de 2021, hai dous anos. Vítima e acusado cursaban estudos de Enfermaría no CIFP A Carballeira. O mencionado día pola mañá, o procesado entrou no bar onde había varios compañeiros de clase. Cando un se levantou para deixarlle sitio, sacou unha navalla de tipo bolboreta e asestoulle ata catro puñaladas, unha delas dirixida ao pescozo que puido esquivar e deulle nun ombreiro.

O escrito de Fiscalía contempla que o acusado, sen antecedentes penais, padece un trastorno de personalidade que lle outorga unha discapacidade do 24 por cento, aínda que isto "non afecta as súas capacidades cognitivas nin volitivas". Para o Ministerio Público, os feitos correspóndense cun delito de homicidio en gravo de tentativa polo que solicita unha pena de prisión de cinco anos, así como a prohibición de achegarse a menos de 500 metros e de comunicarse coa vítima. Tamén pide unha indemnización de 2.839,91 euros polas lesións provocadas e 5.563,53 polas súas secuelas.

Audiencia provincial de Ourense | Fonte: Arquivo