O noso Alfonso Castelao criticou duramente esta práctica nos seus escritos e nos seus debuxos. Agora en poucos días na interna de Podemos vanse a elixir os candidatos de Podemos para encabezar cada provincia do Estado Español. Tomando a todo o territorio como circunscripción única. Isto vai determinar por exemplo que o numero 1º de Podemos pola provincia de Pontevedra poderá ser de Canarias, o de Ourense de Estremadura, o de Lugo de Andalucía e o de Coruña de Navarra.
Podemos ten, parece ser, “moi claro” o problema nacional e a conformación do modelo de Estado. Desde que fala da “Patria española”, esta decisión non é nada sorprendente. Esta proposta entra en contradición cos que pensamos que debemos confluír nunha alternativa ampla en Galicia, onde coincidan os partidos nacionalistas, as plataformas cidadás e as esquerdas rupturistas. Como será posible conformar unha lista en cada provincia, si algúns dos candidatos como os de Podemos, non serán galegos, nin coñecerán os problemas da provincia e do noso país? Como poderá crearse unha representación propia no parlamento español, que sexa a voz de Galicia ante o Estado?
Esta errónea e provocadora decisión política imposibilita calquera acordo electoral con Podemos. Estas e outras imposicións desta organización están levando a que nas próximas eleccións as forzas de esquerda no ámbito estatal e nas comunidades históricas, teñan que ir necesariamente divididas. O ultimo portazo a Esquerda Unida e este modelo de elixir os seus candidatos, soamente favorece a división da esquerda e o triunfo electoral do PSOE, a outra parte da Casta.
Anova, EU e as Mareas aceptarán esta nova imposición unilateral? As bases de Podemos aceptarán estas eleccións aceleradas e teledirixidas, con candidatos que xogan co cabalo do ganador?. Agora é o momento de saber quen é quen na esquerda galega.