Por Europa Press / Redacción | SANTIAGO DE COMPOSTELA | 03/12/2023 | Actualizada ás 14:32
A Dirección Xeral de Emerxencias e Interior, da Vicepresidencia da Xunta, activou a alerta laranxa por temporal costeiro que afectará desde este mediodía ao litoral da Coruña.
A Axencia Estatal de Meteoroloxía (Aemet) informou dun fenómeno meteorolóxico adverso na costa por vento do sur ou suroeste de entre 62 e 74 km/h --forza oito-- entre Fisterra-Vilán e mar dentro.
Ademais, o oeste e suroeste da Coruña, así como A Mariña de Lugo estarán en alerta amarela por refachos de vento que poderán alcanzar os 80 quilómetros por hora.
En canto aos fenómenos costeiros o litoral galego, salvo a costa da Coruña, estarán en alerta amarela por vento do sur ou suroeste de 50 a 61 km/h --forza sete-- podendo chegar a alcanzar o 74 km/h mar dentro.
As choivas tamén deixarán un período de alerta amarela no oeste e suroeste da Coruña onde o temporal poderá deixar unhas precipitacións acumuladas nunha hora de 15mm.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.