11 voos cancelados entre os aeroportos galegos e Madrid na terceira xornada de folga en Iberia
A compañía cifra o seguimento á primeira hora deste domingo no 17,6%, cunha puntualidade do 88%.
Por E.P. | Compostela | 07/01/2024 | Actualizada ás 11:13
A terceira xornada de folga de traballadores de 'handling' de Iberia deixa 11 voos cancelados con saída ou destino do tres aeroportos galegos e Madrid. Deles, catro tiñan orixe ou destino A Coruña; tres, Vigo; e catro, Santiago de Compostela.
En total, son 46 os voos cancelados que unen a Galicia e Madrid nos catro días de folga. As cancelacións por días son os seguintes: 5 de xaneiro (11), 6 de xaneiro (13), 7 de xaneiro (11) e 8 de xaneiro (11).
Nesta terceira xornada de folga de persoal de servizos de terra, Iberia cifrou en 17,6% de media o seguimento nos aeroportos españois, que arrincou con normalidade, cunha puntualidade do 88% e unha regularidade do 100% ata as 9.00 horas.
"Empeza a terceira xornada de folga nos aeroportos españois con normalidade na operación. O seguimento entre os traballadores sen carta de servizos mínimos é a esta hora do 17,5% de media", sinala a compañía este domingo nun comunicado de prensa.
Iberia indica que o dato de seguimento calcúlase tendo en conta os traballadores sen carta de servizos mínimos e que non cursan baixas por enfermidade; é dicir, aqueles cuxa ausencia está motivada pola folga.
