Localizan o corpo sen vida do octoxenario desaparecido en Ponteceso desde este xoves
Atoparon o corto a un quilómetro aproximado do set domicilio.
Por Europa Press / Redacción | SANTIAGO DE COMPOSTELA | 02/02/2024 | Actualizada ás 13:48
O octoxenario desaparecido desde este xoves no municipio coruñés de Ponteceso foi localizado sen vida na mañá deste venres. Segundo informou o 112, ao redor das 12,00 horas, os servizos de emerxencia desprazados informaban da localización do corpo sen vida do home nunha zona pantanosa a un quilómetro aproximado do seu domicilio.
Foi un familiar o que, pasados dez minutos das 17 horas da tarde, chamou ao 112 Galicia para dar conta da situación e solicitar medios de intervención que puidesen colaborar na procura.
Segundo informaba, o home saíra da casa unhas horas antes e non volvera ao domicilio.
Os xestores do Centro Integrado de Atención ás Emerxencias-112 Galicia informaron da situación ás forzas da orde, que puxeron en marcha un operativo de procura.
Así, a partir de aí, desde o 112 Galicia solicitouse a colaboración dos axentes da Garda Civil, dos membros do GES de Ponteceso, dos axentes da Policía Local e dos membros de Protección Civil. Ademais, a este operativo tamén se sumou a Unidade de Drones da Axencia Galega de Emerxencias (Axega).
