Por Europa Press / Redacción | SANTIAGO DE COMPOSTELA | 20/02/2024 | Actualizada ás 12:15
EasyJet indemnizou con 1.600 euros a unha pasaxeira por extraviar a súa maleta "case catro meses", segundo informa a organización de consumidores FACUA Galicia, da que é socia.
A asociación instou á aerolínea que abonase a indemnización establecida para voos internacionais establecida no 'convenio de Montreal'. Tras iso, "EasyJet tivo que indemnizar con 1.583 euros a unha usuaria polo extravío da súa maleta durante case catro meses", explica.
En concreto, sinala que o 15 de xuño de 2022 a muller tiña programado unha viaxe con dous voos desta aerolínea, con equipaxe facturada en ambos, para chegar ata Copenhague. Xa no aeroporto da capital danesa, "os seus compañeiros recolleron as súas maletas na cinta transportadora pero a súa non apareceu" o que motivo o rexistro da incidencia
FACUA lembra que "tal e como fixo a afectada, no caso de que a equipaxe non apareza no destino, débense conservar todos os comprobantes e envialos por Internet nun prazo de 21 días tras o voo". "Ademais, non se debe abandonar nunca o aeroporto sen encher o correspondente Parte de Irregularidade de Equipaxe (PIR)", engade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.