Dous anos de cárcere para un home que cuspiu na cara e lle rompeu o nariz a outro nun partido de fútbol en Meaño
O procesado achegouse á vítima ao termo do encontro para, segundo recolle a setencia, botarlle "os mocos na cara". Nese momento, o agredido, que fora insultado e ameazado durante o partido, empuxou ao procesado, o que fixo que este lle propinase varios golpes na cara que provocaron a rotura do seu nariz.
Por Europa Press / Redacción | PONTEVEDRA | 21/02/2024 | Actualizada ás 14:32
A Audiencia Provincial de Pontevedra confirmou a pena de dous anos de cárcere para un home por romper o nariz e cuspir na cara a outro durante un partido de fútbol de veteranos en Meaño. O tribunal pontevedrés desestima o recurso presentado pola defensa do condenado contra a sentenza do xulgado do penal que impuxera dous anos de prisión por un delito de lesións.
Os feitos producíronse en abril de 2017 nun partido da liga de veteranos de fútbol de Pontevedra. O procesado achegouse á vítima ao termo do encontro para, segundo recolle a setencia, botarlle "os mocos na cara". Nese momento, o agredido, que fora insultado e ameazado durante o partido, empuxou ao procesado, o que fixo que este lle propinase varios golpes na cara que provocaron a rotura do seu nariz. Deste xeito, a Audiencia pontevedresa ratifica o sentido da sentenza de primeira instancia nun fallo que pode ser recorrido en casación ante o Tribunal Supremo.
