Publicada a resolución das 4.050 prazas de atención especializada para persoas con discapacidade
Os concertos teñen unha duración de catro anos con posibilidade de prórroga ata o dez.
Por Europa Press / Redacción | SANTIAGO DE COMPOSTELA | 23/02/2024 | Actualizada ás 13:22
O Diario Oficial de Galicia (DOG) publicou este venres a resolución das que recolle a concesión de 4.050 prazas de atención especializada para persoas con discapacidade en centros da comunidade. Este novo concerto súmase aos xa resoltos anteriormente, cos que ascenden a 5.000 as prazas concedidas a través dun investimento de 100 millóns de euros, segundo explicou a Xunta nun comunicado.
Os concertos teñen unha duración de catro anos con posibilidade de prórroga ata o dez. En concreto, atribúense 33 prazas especializadas nos coidados as persoas que sofren enfermidades mentais; 257 para persoas con Trastorno do Espectro Autista (TEA); outras 258 para persoas con discapacidade física; 293 para a atención a persoas con parálise cerebral e 4.050 prazas para a atención de persoas con discapacidade intelectual.
