Só a metade das vivendas galegas poderían instalar un cargador para coche eléctrico, segundo Idealista
Por E.P. | SANTIAGO DE COMPOSTELA | 27/02/2024 | Actualizada ás 11:28
Pouco máis da metade das vivendas galegas poderían instalar un cargador para coche eléctrico, segundo un informe de Idealista que sinala que esta taxa se sitúa no 55% en España.
Por provincias en Galicia, o peor dato atópase na Coruña (49%), seguida de Ourense (50%) e Lugo (55%). Con todo, Pontevedra, cun 61%, conta coa segunda taxa máis elevadas do país, só por detrás de Málaga (64%).
Na parte baixa da lista do país atópanse Guipúzcoa (25%), onde tan só una de cada catro vivendas podería albergar un cargador para coche eléctrico, seguida de Barcelona (30%), Biscaia (30%), Xaén (32%), Córdoba (32%), Cáceres (36%), Sevilla (37%), Valencia, Badaxoz, Lleida e Burgos (38% nas 4 provincias) e a provincia de Madrid (40%).
O estudo de Idealista elaborouse a partir de 1,3 millóns de anuncios de vivendas en España que estiveron publicadas na plataforma en 2023, contabilizando aquelas que tiñan unha praza de garaxe propia.
