O Concello de Ourense abre expedientes disciplinarios a 3 traballadores por acceder sen permiso a outro expediente
O goberno municipal asegura tomar estas medidas coa fin de contribuir a erradicar este tipo de infraccións, unha "práctica habitual" no Concello.
Por E.P. | SANTIAGO DE COMPOSTELA | 29/02/2024 | Actualizada ás 17:54
O Concello de Ourense informou de que o goberno local abrirá expedientes disciplinarios a tres traballadores municipais por acceder de forma indebida a un expediente non autorizado.
Diso informou o Consistorio nun comunicado, no que explica que así llo comunicou este xoves o alcalde, Gonzalo Pérez Jácome, aos tres empregados despois de ter coñecemento de que, na xornada do mércores, accederon e descargaron documentación dun expediente en tramitación.
O Consistorio, que non detalla de que expediente se trata, si sinala que é relativo a unha denuncia por acoso laboral realizada por un traballador fronte a un xefe de servizo, que están sen resolver, e ao que os traballadores expedientados non tiñan autorización a acceder.
O goberno municipal destacou que toma medidas coa confianza de que de que sexan disuasorias e contribúan a erradicar este tipo de infraccións, xa que entende que son unha "práctica habitual" no Concello. "En ocasións, dáse o caso de que funcionarios que non cumpren en tempo co seu expediente, acceden en cambio a outros que non lle competen, e para os que non están autorizados", indicou.
