Afundación organiza unha xornada sobre a xestión das emocións durante o envellecemento

O director xeral de Maiores e Atención Sociosanitaria, Antón Acevedo, participou este xoves na sesión inaugural da xornada sobre ferramentas para o benestar no transcurso vital, que se enmarca no programa 'Coñecendo as emocións', impulsado polos Espazos +60 de Afundación. Neste encontro abordouse como favorecer un bo envellecemento.

O director xeral falou dos programas e axudas a entidades que ten en marcha a Xunta de Galicia para favorecer un envellecemento activo e saudable. Así mesmo, destacou que os galegos de máis idade xa están a recibir nas súas casas o Carné +65, que desde o pasado mes de febreiro ofrece descontos e vantaxes en ámbitos como o lecer e tempo libre, o autocoidado, a cultura ou as viaxes.

Durante a sesión abordáronse cuestións como as emocións durante o envellecemento ou a aprendizaxe de ferramentas para xestionalas, ademais de avaliarse os resultados do programa 'Coñecendo as emocións', en cuxo deseño participaron os maiores usuarios dos Espazos +60 de Afundación.

Ou director xeral de Maiores e Atención Sociosanitaria, Antón Acevedo, participa na inauguración dá xornada Coñecendo as emocións.. CONCHI PAZ | Fonte: Europa Press