Por Europa Press / Redacción | SANTIAGO DE COMPOSTELA | 07/04/2024 | Actualizada ás 19:11
O litoral galego, salvo a zona da Mariña, estará este luns en alerta amarela por temporal costeiro e o oeste da Coruña e A Mariña por vento ao esperarse refachos de máis de 80 quilómetros por hora. Segundo Meteogalicia, espérase vento de suroeste no mar de forza sete e, ademais, na Costa da Morte e no noroeste da Coruña haberá ondas de catro a cinco metros.
A semana comezará co paso dunha fronte activa que traerá aire frío cara á comunidade e deixará ceos anubrados con precipitacións persistentes durante as primeiras horas, quedando nunha área de choivas ocasionais co avance da tarde e pola noite a choiva irase retirando cara ao norte.
A cota de neve estará nos 1.200 metros, as temperaturas sufrirán un moderado descenso con valores baixos para esta época do ano e o vento será do noroeste moderado, con intervalos fortes pola mañá.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.