Un trailer envorca no acceso ao polígono de San Cibrao

Unha persoa resultou ferida leve este sábado nun accidente de tráfico rexistrado no municipio ourensán de San Cibrao das Viñas, onde quedou envorcado un trailer. Segundo informou o CIAE 112-Galicia, o suceso tivo lugar sobre as 11.45 horas na rotonda de acceso ao polígono de San Cibrao, na parroquia de Noalla.

Ata o lugar acudiron os Bombeiros de San Cibrao das Viñas que, tras retirar o camión da calzada co guindastre, procederon coas tarefas de limpeza do asfalto, dado que o vehículo perdera líquido anticonxelante. Ademais, no operativo interviñeron Urxencias Sanitarias de Galicia-061 e a Garda Civil de Tráfico.