Adega inicia unha campaña de recadación para recorrer no TSXG o polígono eólico Monte Xesteiros, na Estrada
Lembra que as súa anteriores camapañas "permitiron levar ante a xustiza unha trintena de proxectos eólicos".
Por Europa Press / Redacción | A CORUÑA | 15/04/2024 | Actualizada ás 14:20
A asociación ecoloxista Adega iniciou unha campaña de recadación para obter os fondos necesarios co obxectivo de recorrer no Tribunal Superior de Xustiza de Galicia (TSXG) o polígono eólico Monte Xesteiros, proxectado na Estrada. Nun comunicado, indica que promove este micromecenado para reunir "os 9.500 euros necesarios" para presentar o citado recurso ante o alto tribunal galego.
Respecto diso, indica que a súa autorización administrativa previa foi publicada no Diario Oficial de Galicia (DOG) o pasado xoves, 22 de febreiro. "E prevese que no próximo mes de maio se publique a autorización de construción na que se determinen as características definitivas do proxecto", apostila.
A organización lembra que as súas anteriores campañas "permitiron levar ante a xustiza unha trintena de proxectos eólicos". "E xa se conseguiu varios éxitos nos tribunais como as recentes paralizacións cautelares dos proxectos Monte da Croa, Pico Seco, Rodicio II, Monte Toural ou Serra do Punago", engade.
