Lorenzana ve á economía galega nunha "boa situación" para impulsar o desenvolvemento industrial e enerxético
A conselleira avoga por aproveitar os recursos naturais da comunidade.
Por Europa Press / Redacción | SANTIAGO DE COMPOSTELA | 16/04/2024 | Actualizada ás 18:55
A conselleira de Economía e Industria, María Jesús Lorenzana, destaca que a economía galega parte de "unha boa situación para facer moitas cousas" no impulso ao desenvolvemento industrial e enerxético. Así o expuxo na presentación do plan estratéxico 2024-2027 da Fundación Galicia Constrúe, Clúster da Construción, este martes en Santiago.
Apunta a retos como alcanzar un peso do 20% da industria no Produto Interior Bruto (PIB) de Galicia, á vez que avoga por aproveitar os recursos naturais da comunidade para o desenvolvemento enerxético que "xera moito valor na industria".
Ademais, a conselleira de Economía e Industria pon en valor a Oficina Económica de Galicia, un "soporte personalizado" para as empresas a través do Igape, que se completa coa estratexia de aceleración industrial, pola cal se garante unha tramitación de menos dun ano para proxectos estratéxicos con máis de 800.000 euros de investimento.
Respecto ao sector da construción, Lorenzana remarca que achega o 5,7% do PIB autonómico, unha industria que abarca diferentes actividades e afronta retos como a sustentabilidade, a eficiencia enerxética e a economía circular.
