CCOO e UGT reclaman un pacto galego pola industria e urxen á Xunta a convocar aos axentes implicados

CCOO e UGT reclamaron un pacto galego pola industria "como xeradora de postos de traballo de calidade e en cantidade e compatible co medio ambiente".

Nun comunicado, solicita á Xunta de Galicia que convoque os interlocutores sociais, económicos e académicos para redactar e asinar o citado pacto. "Pedimos a todos os axentes sociais do noso país un traballo leal na procura dun proceso de desenvolvemento industrial en Galicia".

"No marco da economía circular, da transición enerxética e industrial, e ao amparo do ánimo derivado do proceso iniciado polas institucións europeas de busca da reindustrialización de Europa, debemos ser conscientes de que Galicia ten os recursos para converternos nunha potencia da produción de enerxía renovable", cita, entre outros ámbitos.