Menudeo de drogas ás portas dun insituto de Pontevedra

Dous mozos foron detidos acusados dun delito contra a saúde pública por dedicarse polo miúdo de drogas nas inmediacións dun centro educativo da cidade de Pontevedra. As denuncias cidadás iniciaron unha investigación que finalizou coa identificación destes dous homes cando se atopaban nun grupo ás portas dun instituto pontevedrés, segundo informou a Policía Nacional este venres.

Tras ser interpelados, os mozos reaccionaron "violentamente" contra os axentes, cos que iniciaron un forcexeo no que resultou lesionado un dos policías. Finalmente, os mozos lograron ser reducidos e foron arrestados. Durante o cacheo, requisáronlles droga, útiles para a súa manipulación e venda polo miúdo e diñeiro fraccionado que sumaba 70 euros. As dilixencias practicadas, así como os efectos intervidos, foron postos a disposición da Fiscalía de Menores e Xulgado de Garda.

Detidos dous mozos por menudear con droga ás portas dun insituto de Pontevedra | Fonte: POLICÍA NACIONAL