Galicia, o lugar preferido para pasar as vacacións de galegos e galegas en marzo

Madrid, Castela e León e Asturias repiten como as comunidades autónomas españolas das que proceden o maior número de visitantes españois que fixeron turismo por Galicia no mes de marzo, segundo datos dun estudo experimental do Instituto Nacional de Estatística (INE) baseado en telefonía móbil.

Esta medición do turismo interno interprovincial a partir da posición dos teléfonos móbiles di que houbo 806.584 turistas con movementos entre provincias en Galicia, aínda que dentro desta cifra inclúense 464.344 galegos dentro de Galicia.

Por comunidades, os turistas de Madrid volven ser os que máis visitaron Galicia en marzo, cun total 84.661. Séguelle: Castela e León (66.895), Asturias (40.680), Andalucía (27.049) e Cataluña (24.640). En canto ao destino dos turistas galegos, Galicia situouse como principal lugar para pasar uns días en marzo, con 464.344 persoas, seguida de Madrid, con 92.436, e de Castela e León, con 39.202 turistas. En total, 727.903 galegos realizaron algunha viaxe no segundo mes do ano.

Zona das Basoñas, entre Ribeira e Porto do Son | Fonte: Turismo.gal